![](/content/upload/1/news/53474_w920.jpg)
بەپێی ڕاپۆرتی ناوەندی ئامار؛ هەڵاوسانی مانگانە لە خاکەڵێوەی ١٤٠١دا هەڵاوسان گەیشتووەتە ٣.٣ لەسەد و زۆرترین ڕێژەی هەڵاوسانی لە ڕەزبەری ساڵی ڕابردووەوە هەتا ئێستا تۆمار کردووە.
هەڵاوسانی مانگانە لە ماوەی نێوان مانگی ڕەشەمە و خاکەلێوە ٢ لەسەد بووە.
بەپێی ئامارەکان لە ساڵی ١٣٩٠ هەڵاوسانی مانگی خاکەلێوە زۆرترین ڕێژەی لە بەرزبوونەوەی گرانییەکاندا تۆمار کردووە.
سەوزەمەنی و تەڕەکاڵ بەتایبەت خەیار، تەماتە و باینجان زۆرترین بەرزبوونەوەی نرخیان لە مانگی ڕابردوودا هەبووە.
"فەرەیدوون خاوەند" ئابووریزان، لە پەیوەندی لەگەڵ نرخی هەڵاوسان لە ئێراندا وتوویەتی: "نرخی هەڵاوسان نزیکەی ٤٣.٤ لەسەد زیادی کردووە. ئەو ئابووریزانە هۆکاری ئەو ڕێژە زۆرەی هەڵاوسانی بۆ کەمیی بوودجە و لەچاپدانی پارە گەڕاندووەتەوە".
ئەو گرانییانە لە حاڵێکدان کە ناڕەزایەتیی خەڵک لە سفرەی بەتاڵ و گرانیی زۆر و بەردەوام، ڕۆژ بە ڕۆژ ڕووی لە زیادبووندایە.