خۆپیشاندانەکانی خەڵکی عێراق بۆ گوشاری زیاتر لەسەر گرووپە نیزامییەکانی سەر بە ڕێژیمی ئێران لەو وڵاتەدا بە مەبەستی وەدەرنانیان لە خاکی عێراق بەردەوامە.
شەوی سێشەممە ٢٣ی بانەمەڕ، خۆپیشاندەرانی عێراقی لە مەیدانی "ئەلئەحرار" لە "کەربەلا" خۆپیشاندانیان بەڕێوە برد کە لەلایەن هێزە سەرکوتکەرەکانەوە هێرشیان کرایە سەر و تێکەڵچوون لەنێوانیاندا هاتە ئاراوە.
هەروەها سەرلەبەیانیی ڕۆژی چوارشەممە، لە شاری "واست" لە باشووری عێراق، خۆپیشاندانێکی بەرین دژ بە حیزب و میلیشیا چەکدارەکانی سەر بە ڕێژیمی ئێران و خامنەیی بەڕێوە چوو.
پاش هاتنە سەرکاری "مستەفا ئەلکازمی"، سەرۆکوەزیرانی نوێی عێراق، خۆپیشاندەرانی عێراقی تەکووزیی زیاتر و تەواویان لەسەر پرسی دەستێوەردانی ڕێژیمی ئێران لە ڕێگای هیزە نیابەتییەکانیەوە لەو وڵاتەدا کردووە.
