ئەندامان و لایەنگرانی حیزبی دێموکرات لە شارەکانی "سنە، مەهاباد و بۆکان" بەبۆنەی ٢٦ خەرمانانەوە لەگەڵ ڕێبازی ڕێبەری شەهید دوکتور "شەرەفکەندی" و هاوڕێیانی پەیمانی وەفادارییان نوێ کردەوە.
ئەندامان و لایەنگرانی حیزبی دێموکرات لە سەیرانگاکانی "حەوت ئاسیاو و ماماتکە" و هەروەها زۆربەی گەڕەکەکانی سنە، تراکت و پوستێری پەیوەندیدار بە ٢٦ی خەرمانانیان بڵاو کردەوە و ئەمەگناسیی خۆیان بە ڕێبەری شەهید دوکتور "شەرەفکەندی" دووپات کردەوە.
هەروەها پێشمەرگەکانی شار لە "مەهاباد" لە گوندەکانی "قزڵجەی سەرێ و خوارێ، دەرمان، حاج عەلی کەند، سونجاق، خاتوون خاس، وەتەمیش، خانەقا، شەرەفکەند، ئاشی گوڵان، سەدرئاباد، کانێ ڕەش، حوسێن ئاوا و ڕێگای نێوان مەهاباد ـ بۆکان" چالاکیی تەبلیغییان بەڕێوە برد و یادی شەهیدانی "میکۆنووسـ"ـیان بەرز ڕاگرت.
هەروەها لە "کێوەڕەشـ"ـی بۆکان ئەندامان و لایەنگرانی حیزبی دێموکرات لە ساڵیادی شەهیدانی ٢٦ی خەرماناندا چالاکیی تەبلیغییان بەڕێوە برد و تیرۆریزمی ڕێژیمی ئێرانیان مەحکووم کرد.