ڕۆژی چوارشەممە ٢٤ی خاکەلێوە، سەرۆکی یەکیەتیی گۆشتی سوور لە ئێران وتی کە بە بەرزبوونەوەی نرخی گۆشتی سوور لە مانگی ڕەشەمە و هەتا ئێستا، داخوازی بۆ گۆشتی سوور دابەزیوە و بازاڕ تووشی مەندی بووە.
''عەلی ئەسغەر مەلەکی'' باسی لەوە کردووە کە ئەو دۆخە بەهۆی ئەوە پێک هاتووە کە نرخەکان زۆر لە سەرەوەن و توانای کڕینی خەڵک بە توندی دابەزیوە.
لە ئێستادا نرخی نێونجیی هەر کیلۆ گۆشتی مەڕ لەنێوان ١٥٥ هەتا ١٧٠ هەزار تمەن، ڕانی مەڕ لەنێوان ١٧٥ هەتا ٢٠٠ هەزار تمەن و ڕانی گوێلک لەنێوان ١٦٠ هەتا ١٧٠ هەزار تمەنە.
لە ساڵانی ڕابردوودا نرخی خۆراک و کاڵا و پێداویستییەکانی خەڵک بە شێوەیەکی بەرچاو بەرز بووەتەوە و ئەو ڕەوتە هەروا بەردەوامە؛ ڕێژیمی ئێران کە خوڵقێنەری ئەو دۆخەیە تەنیا پاساوی هێناوەتەوە و خۆی بە بەرپرسیار و وڵامدەری هەژاری، گرانی، هەڵاوسان، و بێکاری و گرفتەکانی کۆمەڵگە نازانێت.
