کوردستان میدیا

دووشەممه 24ی جۆزەردان 2721
ماڵپەڕی ناوەندیی حیزبی دێموکراتی کوردستانی ئێران

دەزگای ڕێکخستنی گشتیی حیزبی دێموکرات داوای لە عەشیرەتەکانی قەڵغانی و کویک کرد کۆتایی بە کێشەی نێوانیان بێنن

20:51 - 11 جۆزەردان 2721

دوای کێشەی نێوان عەشیرەکانی قەڵغانی و کویک، دەزگای ڕێکخستنی گشتیی حیزبی دێموکراتی کوردستانی ئێران داوای لە خەڵکی ناوچەی داڵاهۆ کرد کۆتایی بە کێشەکانیان بێنن.

دەقی ڕاگەیەندراوەکە بەم چەشنەیە:

ڕاگەیەندراوی دەزگای ڕێکخستنی گشتیی حیزبی دێموکراتی کوردستان ئێران لەسەر کێشە و تێکهەڵچوونەکانی ناوچەی داڵاھۆ

کۆمەڵانی خەباتگێری خەڵکی کوردستان

بە داخەوە ئەمڕۆ لە داڵاھۆ لەسەر کێشەی زەوی و زار لە نێوان عەشیرەتەکانی قەڵغانی  و کویک شەڕ و تێکھەڵچوون ڕووی داوە، کە لە ئاکامدا بە داخەوە کوژراو و برینداری لێ کەوتووەتەوە.

خەڵکی تێکۆشەری ئەو ناوچەیە لە دێرزەمانەوە پێکەوە ژیاون و بە سەدان تێکۆشەریان لە ڕیزی خەباتگێرانی حیزبی دێموکراتدا بووە و ھەیە و ژمارەیەکی بەرچاویشیان تێکەڵ بە کاروانی شەھیدانی ڕێگای ڕزگاریی نەتەوەکەیان بوون.

وەک ئەرکێکی نیشتمانی و نەتەوەیی داواتان لێ دەکەین لە ڕاستای ھێورکردنەوەی دۆخەکە ھەنگاوی بەکردەوە بۆ چارەسەریی بناخەیی ئەو کێشەیە ھەڵگرن و ھەموو ھەوڵی خۆتان بۆ کۆتایی‌هێنان بەو دۆخە نەخوازراوە کە دڵی دوژمنانی گەل و نەتەوەکەمان خۆش دەکا بدەن.

 کێشە و گرفتی نێوان ئێوە تەنیا لە بەرژەوەندیی دوژمنی ڕاستەقینەمان کۆماری ئیسلامیی ئێران دایە و زۆریش ئارەزوو دەکا کە ئەو ئاژاوەیە گەورەتر بکاتەوە و نەھێڵێ بە ئاشتی و برایەتی پێکەوە بژین.

حیزبی دێموکراتی کوردستانی ئیران
دەزگای ڕێکخستنی گشتی
۱۱ی جۆزەردانی ۱٤۰۰ی هەتاوی