کوردستان میدیا

هەینی 2ی خاکەلێوه 2719
ماڵپەڕی ناوەندیی حیزبی دێموکراتی کوردستانی ئێران

"دەسەڵاتداریەتیی ژن" دەبێتە تەمری ئیدارەی پۆست و تێلێگراف

12:56 - 5 بەفرانبار 2718

کوردستان میدیا: بۆ یەکەمجار حکوومەتی هەرێمی کوردستان، "هێمای ده‌سه‌ڵاتداریەتیی ژن" بۆ تەمری ئیدارەی پۆست و تێلێگراف دیاری دەکات.

به‌ڕێوه‌به‌رایه‌تی گشتیی پۆست و گه‌یاندنی حکوومەتی هه‌رێمی كوردستان، كه‌ سه‌ر به‌ وه‌زاره‌تی گواستنه‌وه‌ و گه‌یاندنی حكوومه‌تی هه‌رێمه‌، چوار جۆر تەمری نوێی چاپ كرد و له‌ لایه‌ن ئیدارەی پۆستی ئەو حکوومەتەوە کاریان پێ ده‌كرێت.

وه‌زاره‌تی گواستنه‌وه‌ و گه‌یاندنی حكوومه‌تی هه‌رێم لە ڕاگەیەندراوێکدا، کە لە میدیاکانی هەرێمەوە بڵاو کراوەتەوە باسی لەوە کردووە، "تەمرە نوێیه‌كانی پۆستی هه‌رێم له‌ وڵاتی لوبنان به‌ "كوالێتی و ستانداردی نێوده‌وڵه‌تیـ"ـیەوە چاپ ده‌كرێن.

ئەو تەمرانەی کە حکوومەتی هەرێم، وەک هێمای دەسەڵاتداریەتیی ژن کەڵکی لێیان وەرگرتووە بریتین لە:

ـ قه‌ڵای خانزاد له‌ نزیك شاری هه‌ولێر، وه‌كوو هێمایه‌كی مێژوویی، بۆ ده‌سه‌ڵاتداریەتیی ژن له‌ مێژووی كوردستاندا.

ـ دیمه‌نی گوندێكی هه‌ورامان.

ـ وێنه‌یه‌كی فۆتۆیی منداڵێكی گوڵفرۆش به‌ چه‌پكێك نێرگزه‌وه‌.

ـ تابلۆیه‌كی هونه‌رمه‌ندی شێوه‌كاری ده‌ستڕه‌نگین و كۆچكردووی شاری هه‌ولێر ئه‌سكه‌نده‌ر عوسمان.