کوردستان میدیا

پێنجشەممه 29ی بانەمەڕ 2722
ماڵپەڕی ناوەندیی حیزبی دێموکراتی کوردستانی ئێران

زاراوەی کوردیی سۆرانی بە گووگڵ ترانزلیت زیاد کرا

13:17 - 22 بانەمەڕ 2722

"ئیزاک کاسۆل" ئەندازیاری باڵا لە بەشی کۆمپانیای گووگڵ ڕایگەیاند، زاراوەی کوردیی سۆرانی بە گووگڵ ترانزلیت زیاد کردووە و خوازیاران دەتوانن زمانی کوردیی سۆرانی بە ١٣٣ زمانی دیکە و بەپێچەوانە لەو ڕێگایەوە وەرگێڕنەوە.

ئەم کۆمپانیایە ڕایگەیاندووە لەوانیە ئەم خزمەتگوزارییە بۆ وەرگێڕانی زاراوەی کوردیی سۆرانی بە ٢٣ زمانی دیکە بە خێرایی و دروستی زمانەکانی دیکە نەبێت بەڵام لە بەڕۆژکردنەوەکانی داهاتوودا هەوڵ دەدەین خێرایی و دروستیی ئەم خزمەتگوزاییە بۆ ئەو ٢٣ زمانە ببەینە سەرەوە.

پێشتریش گووگڵ زاراوەی کوردیی کورمانجی بە ترانزلیت زیاد کردبوو.

گووگڵ ترانزلیت یان وەرگێڕی گووگڵ یەکێک لە خزمەتگوزارییەکانی کۆمپانیای "گووگڵـ"ـە کە لەم ڕێگایەوە خوازیاران دەتوانن چەند وشە یان ڕستە، بە چەندین زمانی دیکە وەرگێڕنەوە.