کوردستان میدیا

دووشەممه 18ی رەشەمه 2720
ماڵپەڕی ناوەندیی حیزبی دێموکراتی کوردستانی ئێران

سنوورەکانی نێوان ئێران و عێراق داخران

11:51 - 4 رەشەمه 2720

ڕێژیمی ئێران بە مەبەستی پێشگرتن بە زیاتر بڵاوبوونەوەی ڤایرۆسی نوێی کۆرۆنا و بەهۆی زەردبوونی دۆخی هەندێک لە پارێزگاکان، سنوورەکانی نێوان ئێران و عێراق دادەخات.

بە سەرنجدان بە تەشەنای زیاتری ڤایرۆسی کۆرۆنای نوێ و زەردبوونی دۆخی شارەکانی پارێزگای کرماشان و بۆ پێشگرتن لە تەشەنای زیاتری ئەو ڤایرۆسە لە سنوورەکانی عێراقەوە، هاتوچۆی موسافیر لە سنوورەکانی "پەرویزخان" و "خوسرەوی" لە کاتژمێر ٢ی پاشنیوەڕۆی ڕۆژی ٤ی ڕەشەمەوە، بۆ ماوەی ٢ حەوتوو دادەخرێت.

هەروەها "عەلی موستەفەوی" جێگری سیاسی، ئەمنییەتی و کۆمەڵایەتیی پارێزگاری ورمێ ڕایگەیاندووە کە بە سەرنجدان بە نارنجی بوونی دۆخی ٧ شاری پارێزگای ورمێ و ئەگەری سووربوونی دۆخی ئەو پارێزگایە، سنوورەکانی نێوان عێراق و پارێزگای ورمێ دادەخرێت.

ناوبراو هەروەها ڕایگەیاندووە، هیچ چەشنە هاتوچۆیەکی موسافیر لەنێوان ئەو سنوورانەدا ناکرێت.