کوردستان میدیا

یەکشەممە 7ی سەرماوەز 2721
ماڵپەڕی ناوەندیی حیزبی دێموکراتی کوردستانی ئێران

سپای پاسداران بۆ چاوەدێری بەسەر تۆڕە کۆمەڵایەتییەکان، بەسیجەکان تەیار دەکات

12:14 - 4 سەرماوەز 2721

دوای ئەوەیکە جێگری فەرماندەی سپای پاسدرانی ڕێژیمی ئێران وتبووی: "شەڕی فەرهەنگی لەنێو ماڵەکان و مۆبایلەکانی ئێمە لە ئارادایە"، ''غولامڕەزا سلێمانی'' فەرماندەی بەسیج ڕایگەیاندووە کە ئەو هێزە بۆ چاوەدەێریی زیاتر بەسەر تۆڕە کۆمەڵایەتییەکان پشتیوانیی تەکنیکی، کەرەستەیی و مەعنەوی لە بەسیجەکان دەکات.

ئەو هەوڵەی سپای پاسدارانی ڕێژیمی ئێران لە حاڵێکدایە کە خەڵک لە تۆڕە کۆمەڵایەتییەکان وەکوو سەنگەرێکی بەهێز دژی ئەو ڕێژیمە کەڵک وەردەگرن و ئەمە نیگەرانیی زۆری لەنێو بەرپرسانی ڕێژیم دروست کردووە.

ڕێژیمی ئێران بە بەردەوامی لە تۆڕە کۆمەڵایەتییەکاندا هۆشداری بە بەکارهێنەران دەدات کە نابێ لە دنیای خوازەکیدا پۆست و نووسراوەکانی دژی ڕێژیم لایک بکەن دەنا بەپێی یاسا سزا دەدرێن.

لە ئێستادا سپای پاسداران بۆ چاوەدەێریی زیاتر هەوڵ دەدات بە پشتیوانیی ماڵی و کەرەستەی زیاتر لە هێزەکانی خۆی، جموجۆڵی خەڵک زیاتر کۆنترۆڵ بکات.