کوردستان میدیا

چوارشەممه 26ی جۆزەردان 2721
ماڵپەڕی ناوەندیی حیزبی دێموکراتی کوردستانی ئێران

سێ وڵاتی ئورووپایی سەبارەت بە بەرجام ڕاگەیاندراوێکیان بڵاو کردەوە

12:48 - 20 جۆزەردان 2721

سێ وڵاتی "بریتانیا، فەرانسە و ئاڵمان" لە ڕاگەیاندراوێکدا وتوویانە ئێمە بە بەرجام پێبەندین و ئەگەر بەرجام بەتەواوی ئەنجام بدرێت لە بواری ئەمنییەتییەوە بە قازانجی هەموومان تەواو دەبێت.

هەروەها ئێمە لە مانگی ژانوییەی ساڵی ٢٠٢١ ـەوە هەتا ئێستا سەبارەت بە هەوڵەکانی وڵاتی ئێران لە هەمبەر پێبەندنەبوونی ئەو وڵاتە بە بەرجام نیگەرانین.

نیگەرانی لە پێبەندنەبوونی وڵاتی ئێران بە بەرجام هەتا ئەو ڕادەیەیە کە لایەنەکانی دیکەی بەرجام و ئامریکا لە هەوڵدان لەڕێگای دیپلۆماسییەوە ئەو کێشەیە چارەسەر بکەن.

ئێمە داوامان لە وڵاتی ئێران ئەوەیە کە تەواوی بەرنامەکانی خۆی کە دژایەتییان لەگەڵ بەرجام هەیە ڕاگرێت و لە دەرفەتی وتووێژی دیپلۆماسیی "وییەن" بە باشی کەڵک وەرگرێت و بگەڕیتەوە بۆ بەرجام.