سپای پاسدارانی ڕێژیمی ئێران ڕۆژی سێشەممە ٨ی ڕەزبەر ڕایگەیاندووە کە سێ کەس لە ئەندامانی لە سیستان و بەلووچستان لەلایەن گرووپێکی نەناسراوەوە کوژراون.
لە ڕاگەیەندراوی سپای پاسداراندا هاتووە، دوو ماشینی سەر بە هێزەکانی بەسیجی شارستانی ''نیکشەهر'' لە ڕێگای نێوان ''ئەسپەکە بۆ نیکشەهر'' لەلایەن کەسانی چەکدار کە ماشینێک لە جۆری پێژۆ ٤٠٥یان پێ بووە، هێرشیان کراوەتە سەر.
لە ئاکامی ئەو هێرشەدا سێ کەس لە ئەندامان سپای پاسداران کوژران و یەکێکیشان بریندار بووە. هەتا ئێستا شوناسی ئەو گرووپەی کە هێرشی کردووەتە سەر هێزەکانی سپای پاسداران ڕوون نەبووەتەوە.
