لە ڕەوتی گرانی و چوونەسەرەوەی نرخی کەلوپەلە خۆراکییەکان لە کوردستان و ئێران، خەڵکی "سنە" بۆ بەدەستهێنانی نان، ڕۆن و برنج و پێداویستییەکانی دیکەی ڕۆژانە دەبێ بۆ ماوەیەکی زۆر لە سەفدا ڕابووەستن.
لە شارەکانی کوردستان کەلوپەلە خۆراکییەکان بە ڕادەیەکی بەرچاو گران بوونە و کڕینیان لە توانای هەموو کەسێکدا نییە و بۆ بەدەستهێنانیان بە نرخی دەوڵەتی دەبێ بۆ ماوەیەکی زۆر لە سەفی دوورودرێژدا چاوەڕێ بکەن.
هەروەها لە ماوەی ڕۆژانی ڕابردوودا نان لە شارەکاندا وەدەست نەدەکەوت و چەند بەرابەر بە خەڵک دەفرۆشرا.
گرانییەکان تەنیا تایبەت بە چەند کەلوپەلێک نییە و بەگشتی هەموو پێداویستییەکانی ژیانی خەڵکی گرتووەتەوە و هەتا بێت سەفەکان لە کوردستان و ئێران درێژتر و خەڵک هەژارتر دەبن.
