کوردستان میدیا

هەینی 27ی خاکەلێوه 2721
ماڵپەڕی ناوەندیی حیزبی دێموکراتی کوردستانی ئێران

شاعیر و وەرگێڕێکی کورد چەند خەڵاتی لە فێستیڤاڵێکدا بەدەست هێنا

17:44 - 14 رەشەمه 2720

شاعیر و وەرگێڕێکی کورد خەڵکی ئیلام چەند خەڵاتی لە بواری شێعر و وەرگێڕاندا بەدەست هێنا و شانازییەکی دیکەی بۆ کورد تۆمار کرد.

"محەممەد مورادیی نەساری" شاعیر و وەرگێڕی کوردی خەڵکی پارێزگای ئیلام و بەرپرسی وەشانگەی "باشوور"، لە یەکەمین خولی فێستیڤاڵی "خەڵاتی ئەدەبی کوردیی ئیلام" لە ٣ بواری جیاوازدا خەڵاتی یەکەمی بەدەست هێنا.

لەو فێستیڤاڵەدا ١٠٠ کتێبی کوردی بەشدارییان کردووە کە لەنێوانیاندا "نەساری" لە ٣ بواردا؛ بووە بە یەکەم.

کتێبی "خەوزاندۆزەخ و دەروەچ" وەکوو کتێبی هەڵبژاردەی بەشی شێعری نوێی خەڵاتی یەکەمی فێستیڤاڵی بەدەست هێناوە.

هەروەها لە بەشی وەرگێڕان و شێعری لاواندا خەڵاتی یەکەمی فێستیڤاڵەکەی بەدەست هێناوە.

 "محەممەد مورادیی نەساری" بەرپرسی وەشانگەی باشوور پاڵپشتێکی بەهێزە بۆ بڵاوکردنەوەی بەرهەمە کوردییەکان لە کوردستانی ڕۆژهەڵات.