کوردستان میدیا

دووشەممه 24ی جۆزەردان 2721
ماڵپەڕی ناوەندیی حیزبی دێموکراتی کوردستانی ئێران

شاندێکی حیزبی دێموکرات بەشداریی لە ٤٦ـەمین ساڵیادی دامەزرانی "یەکیەتیی نیشتمانیی کوردستانـ"ـدا کرد

13:24 - 11 جۆزەردان 2721

ڕۆژی سێشەممە ڕێکەوتی ١١ی جۆزەردان شاندێکی حیزبی دێموکراتی کوردستانی ئێران بە سەرپەرەستیی "محەممەدنەزیف قادری" جێگری دووهەمی لێپرسراوی گشتیی حیزبی دێموکرات و بەرپرسی دەزگای پێوەندییە گشتییەکان سەردانی مەڵبەندی ١٤ی ڕێکخستنی "یەکیەتیی نیشتمانیی کوردستان'' لە کۆیەی کرد.

هەیئەتی حیزبی دێموکرات لەلایەن وەفدێکی یەکیەتیی نیشتمانیی کوردستان و بەرپرسی مەڵبەندەوە پێشوازیان لێکرا.

شاندی حیزبی دێموکرات پیرۆزبایی ٤٦ـەمین  ساڵیادی دامەزرانی "یەکیەتیی نیشتمانیی کوردستانـ""ـی لە "ئەبوو زەید" و سەرجەم ستافی مەڵبەند کرد و هیوای سەرکەوتنیان بۆ بە ئاوات خواستن.

لەو دیدارەدا جەخت لەسەر بەهێزترکردنی پەیوەندیی دۆستانەی حیزبی دێموکرات و یەکیەتیی نیشتمانیی کوردستان کرایەوە.

لە بەرانبەردا "ئەبوو زەید" سپاس و پێزانینی "یەکیەتیی نیشتمانیی کوردستانی" بۆ وەڤدی حیزب و پێوەندیی لەمێژینەی هەر دوو لایەنی بەرز نرخاند.

لە دیدارەکەدا چەپکەگوڵی پیرۆزبایی حیزبی دێموکرات لەلایەن "محەممەدنەزیف قادری" پێشکەش بە "ئەبوو زەید" کرا.