![](/content/upload/1/news/52428_w920.jpg)
ڕۆژی چوارشەممە ڕێکەوتی ٢٠ی ڕێبەندان، کۆمەڵێک لە کرێکارانی کارخانەی کاغەزی "پارسـ"ـی شووش، لە بەردەم فەرمانداریی ئەو شارە کۆبوونەوەیەکیان پێک هێنا و ناڕەزایەتییان دەربڕی.
کرێکاران بە وتنەوەی دروشمگەلی وەک "کرێکار دەمرێت، بەڵام زەبوونی قەبووڵ ناکات" داوای دابینکردنی مافەکانی خۆیانیان کرد.
کرێکاران هەروەها داوای مووچەی دواکەوتووی خۆیان کرد و لەمەڕ گرانیی لەڕادەبەدەریش دەنگیان هەڵبڕی.
لە چەند ساڵی ڕابردوودا زۆرێک لە کرێکارانی ئەو کارخانەیە بە هۆکاری جۆراوجۆر لەسەر کار دەر کراون و ژمارەی کرێکارانی ئەو کارخانەیە لە سێ هەزارەوە بۆ ٥٠٠ کرێکار کەمی کردووە.