کوردستان میدیا: وڵاتی عەرەبستان، جێگای پشکی نەوتی ئێرانی پڕ کردووەتەوە و نەوتی "ئوپێک" سەقامگیر ماوەتەوە.
کاناڵی میدیایی "بلۆمبێرگ" لە ڕاپۆرتێکدا ڕایگەیاند: "عەرەبستان، لە مانگی ڕابردووی زایینیدا، بەرهەمهێنانی نەوتی خۆی زیاد کردووە و جێگای پشکی هەناردەی نەوتی ئێرانی گرتووەتەوە."
ئەم کاناڵە هەروەها وتوویەتی: "هەناردەی نەوتی ئێران گەیشتووەتە نزمترین ئاستی خۆی لە ٢٩ ساڵی ڕابردوودا و ئامریکا، پیشەسازیی نەوتی ئێرانی تەحریم کردووە."
لەم ڕاپۆرتەدا هاتووە: "بە بەرزبوونەوەی بەرهەمهێنانی نەوت لە لایەن عەرەبستان، عێراق و لیبی، بازاڕی نەوتیی ئوپێک، سەقامگیر ماوەتەوە."
جێگای باسە کە وڵاتانی ئەندامی ڕێکخراوی هەناردەکارانی نەوت - ئوپێک - نزیکەی ٤٠ لەسەدی نەوتی پێویستی جیهان دابین دەکەن.
ئامریکا، لێبوردوویی کڕینی نەوتی ئێرانی لا برد و بەم کارە، دەیەوێت گوشاری لەڕادەبەدەر بۆ ئێران بێت، تاکوو بەرنامەی چەکی ناوکی و مووشەکی و هەروەها پشتیوانی لە گرووپە تێرۆریستییەکانی ناوچەکە، ڕاوەستێنێت.
