سەرلەبەیانیی ڕۆژی سێشەممە ڕێکەوتی ٣ی جۆزەردان، فڕۆکەیەکی شەڕکەری ڕێژیم بە ناوی "F7" لە دەوروبەری شارۆچکەی "ئەنارەک" لە شاری "نایین" سەر بە پارێزگای ئیسفەهان کەوتە خوارەوە و فڕۆکەوانەکانی کوژران.
جێگری سیاسی، ئەمنییەتی و کۆمەڵایەتیی پارێزگاری ڕێژیم لە ئیسفەهان هەواڵی کەوتنەوە خوارەوەی فڕۆکەکەی پشتڕاست کردەوە و وتی کە فڕۆکەکە کاتژمێر ٨:٣٠ی خولەکی سەرلەبەیانیی ڕۆژی سێشەممە کەوتووەتە خوارەوە.
دەوترێت کە ئەو فڕۆکەیە لە حاڵی پڕۆڤەی "تیرهاوێژیـ"ـدا بووە.
لە کەوتنە خوارەوەی ئەو فڕۆکەیەدا، "قاسم زەمانی" فڕۆکەوان و "محەممەدجەوان بای" یارمەتیدەری فڕۆکەوان، کوژراون.
