کوردستان میدیا: فەرماندەیی هێزی پێشمەرگەی کوردستان ڕوو لە خەڵکی کوردستان ئاگادارییەکی بڵاو کردەوە.
دەقی ئاگادارییەکە بەم چەشنەیە:
ئاگادارییەک لە فەرماندەیی هێزی پێشمەرگەی کوردستانەوە بۆ خەڵکی کوردستان
هێزی پێشمەرگەی کوردستان، خەڵکی گوند و هەورانشینەکانی کوردستان ئاگادار دەکاتەوە کە رێژیمی دژی گەلی کوماری ئیسلامی بە ناوی هێزی پێشمەرگەی کوردستانەوە داوای یارمەتی لە خەڵک دەکات.
شەوی هەینی رێکەوتی ٨ی پووشپەڕ ٦ چەکداری نەناسراو کە خویان داپۆشیبوو لە کوێستانەکانی میرەسەنی شنۆ داوای یارمەتیان لە مەڕدارەکانی ئەو کوێستانە کردووە.
خەڵکی کوردستان ئاگادار دەکەینەوە کە پێشمەرگەی کوردستان بە سەربەرزی و ڕاشکاوانە دەچنە باوەشی گەل و خۆیان لە خەڵکی کوردستان ناشارنەوە.
ئەوە یەکێکی تر لە کردەوە قیزەوەنەکانی جاش و مۆرە خۆفرۆشەکانی سەر بە کۆماری ئیسلامی ئێرانە و بە هیچ شێوەیەک بڕوایان پێ مەکەن.
فەرماندەیی هێزی پێشمەرگەی کوردستان
