هاوپەیمانیی سەربازیی بە سەرکردایەتیی عەرەبستان ڕایگەیاند کە سەکۆیەکی هەڵدانی مووشەکی بالستیکی حوسییەکان سەر بە ڕێژیمی کۆماری ئیسلامیی ئێرانیان لە پارێزگای سوعدە لە باکووری یەمەن تێکشکاندووە و لەناو بردووە.
تورکی ئەلمالکی، وتەبێژی هاوپەیمانییەکە، ڕایگەیاند کە حوسییەکان ئەم سەکۆیەیان بۆ هێرشکردنە سەر ناوچەکانی باشووری عەرەبستان بەکار هێنابوو.
پێشتر ئەم هاوپەیمانییە هەواڵی پووچەڵکردنەوە و لەناوبردنی مووشەکێکی بالستیکی ڕاگەیاندبوو کە لەلایەن حوسییەکانەوە بەرەو باشووری عەرەبستان ئاراستە کرابوو.
هاوکات تورکی ئەلمالکی، ئەمڕۆ پێنجشەممە ٢٨ی خەزەڵوەر ڕایگەیاند کە سیستەمی بەرگریی ئاسمانیی ئەم هاوپەیمانییە، چوار مووشەکی بالستیک کە لەلایەن حوسییەکانی سەر بە کۆماری ئیسلامیی تێکشکاندووە کە بەرەو باشووری عەرەبستان هاویشترابوون.