کوردستان میدیا

یەکشەممە 5ی رێبەندان 2720
ماڵپەڕی ناوەندیی حیزبی دێموکراتی کوردستانی ئێران

"فەرهەنگی زارەکیی موکریان" لەلایەن "خانەی موکریانی" هەولێر چاپ و بڵاو کراوە

17:58 - 22 بەفرانبار 2720

بەرگی ۹ و ۱۰ی "فەرهەنگی زارەکیی موکریان"  لەلایان "خانەی موکریانی" هەولێرەوە لە ٧٩٥ لاپەڕەی "قەتعە وەزیریـ"ـدا چاپ و بڵاو کرایەوە.

بەرگی نۆیەم تایبەتە بە پیتی "س" و لە ٧٩٥ لاپەڕەی "قەتعە وەزیریـ"ـدا چاپ و بڵاو کرایەوە.

دوکتور "محەممەدخزری ئەقدەم" لەبارەی بڵاوی کردنەوەی ئەو دوو بەرگە کتێبە وتوویەتی: " ئەم فەرهەنگە کە لەسەر داروپەردووی پاشەواری پێشینیان ڕۆنراوە و بە تان و پۆی ویستێکی زانستخوازانەی شێوازمەندەوە تەنراوە چوار کەڵک و کاری سەرەکیی ئەدەبی، زمانی، فێرکاری و ئەنترۆپۆلۆژیکی لە ئامێزدایە".

بەرگی ١٠ پیتەکانی "ش، ع، غ، ف" لەخۆوە دەگرێ و ٩٥٨ لاپەڕەی "قەتعە وەزیریـ"ـه.

هاوکات دوکتور "حەمید حەسەنی" یەکێک لە فەرهەنگنوووسان وتوویەتی: "کاری وشەناسیی مەیدانی زۆر سەخت و تاقەت پڕوکێنە لەم بوارەدا توێژەرانی ئورووپایی، وەک "دەیڤید نیل مەکێنزی"، "ئۆسکار مان" و "ویلهێلم ئایلێرس" هەندێک بەرهەمیان لێ کەوتووەتەوە.

"فەرهەنگی زاەرەکیی موکریان" نەک هەر لەنێو کورد و ئێران، بەڵکوو لە ڕۆژهەڵاتی نێوەڕاستدا تاقانەیە.