کوردستان میدیا: سەرلە بەیانی رێکەوتی ١٥‌ی سەرماوەز کلاسێکی پۆڵی چواری سەرەتایی لە قوتابخانەی گوندی شیناوێ‌ سەر بە پیرانشار ئاگری گرت.
ئەو ئاگر گرتنە لە حاڵێکدا بوو کە قوتابیان تازە چووبوونە ناو پۆلەکانیان و لە ئەنجامی ئەو ئاگر کەوتنەوەیەدا ٣٧ قوتابی بە توندی بریندار بوون.
هەواڵدەریی ئیرنا بڵاوی کردەوە، ئەو ئاگرتنەوەیە بەهۆی گەرمای لە رادەبەدەری کوورەی ناو پۆڵەکە رووی داوە.
ئەو ٣٧ بریندارە سەرجەمیان بۆ نەخۆشخانەی شاری پیرانشار و دەوروبەری گوازراونەتەوە.