![](/weney-mallperr/12309.jpg)
کوردستان میدیا: تەقەی ڕاستەوخۆی هێزە ئینتزامیەکانی ڕێژیمی ئێران لە پارێزگای سیستان و بەلووچستان، لە ماوەی ٦مانگی یەکەمی ئەمساڵدا، ٣٣ کوژراو و برینداری لێ کەوتووەتەوە.
بەپێی هەواڵی گەیشتوو بە ماڵپەڕی کوردستان میدیا، لە ماوەی ٦ مانگی یەکەمی ساڵی ١٣٩٤دا، ٢٧ کەس بەتەقەی ڕاستەوخۆی هێزە ئینتزامیەکانی ڕێژیم لە سیستان و بەلووچستان کوژراون و ٧ کەسیش بریندار بوون، کە لەکۆی ئەو قوربانیانە ٤ کەسیان ژن و منداڵن.
دەوترێت کە شوناسی ٧ کەس لە کوژراوەکان نادیارە.
کەمپەینی چالاکانی بەلووچ لەڕاپۆرتێکدا سەبارەت بەم دۆخە گوتی: لە زۆربەی حاڵەتەکاندا تەنها بە هۆکاری گومان لەوەی کە ئەو کەسانە هەڵگری کەرەستەیەکی قاچاخن تەقەیان لێ کراوە، کە لە ڕاستیددا جگە لە چەند کەسێک، قوربانیان کەرەستەی قاچاخیان پێ نەبووە و تەقەی هێزە ئینتزامیەکان هیچ پاساوێکی یاسایی هەڵناگرێ.
لە کۆی ئەو قوربانیانەدا تەنها ٩ کەس لە نزیکی سنوورەکانی بەلووچستانی ئێران و پاکستاندا کوژراو یان بریندار بوون و ئەوانی دیکە لە شار و گوندەکان یا لە شوێنە گشتیەکان کراونەتە ئامانج.
ئەم کەمپەینە لە درێژەی ڕاپۆرتەکەیدا ڕوونی دەکاتەوە کە : هێزە ئینتزامیەکان لە زۆربەی ڕووداوەکاندا شوێنی ڕووداوەکەیان بەجێ هێشتووە و بەرپرسیارەتی تەقەکانیان لە ئەستۆ نەگرتووە.
بەپێی هەواڵی گەیشتوو بە ماڵپەڕی کوردستان میدیا، لە ماوەی ٦ مانگی یەکەمی ساڵی ١٣٩٤دا، ٢٧ کەس بەتەقەی ڕاستەوخۆی هێزە ئینتزامیەکانی ڕێژیم لە سیستان و بەلووچستان کوژراون و ٧ کەسیش بریندار بوون، کە لەکۆی ئەو قوربانیانە ٤ کەسیان ژن و منداڵن.
دەوترێت کە شوناسی ٧ کەس لە کوژراوەکان نادیارە.
کەمپەینی چالاکانی بەلووچ لەڕاپۆرتێکدا سەبارەت بەم دۆخە گوتی: لە زۆربەی حاڵەتەکاندا تەنها بە هۆکاری گومان لەوەی کە ئەو کەسانە هەڵگری کەرەستەیەکی قاچاخن تەقەیان لێ کراوە، کە لە ڕاستیددا جگە لە چەند کەسێک، قوربانیان کەرەستەی قاچاخیان پێ نەبووە و تەقەی هێزە ئینتزامیەکان هیچ پاساوێکی یاسایی هەڵناگرێ.
لە کۆی ئەو قوربانیانەدا تەنها ٩ کەس لە نزیکی سنوورەکانی بەلووچستانی ئێران و پاکستاندا کوژراو یان بریندار بوون و ئەوانی دیکە لە شار و گوندەکان یا لە شوێنە گشتیەکان کراونەتە ئامانج.
ئەم کەمپەینە لە درێژەی ڕاپۆرتەکەیدا ڕوونی دەکاتەوە کە : هێزە ئینتزامیەکان لە زۆربەی ڕووداوەکاندا شوێنی ڕووداوەکەیان بەجێ هێشتووە و بەرپرسیارەتی تەقەکانیان لە ئەستۆ نەگرتووە.