کوردستان میدیا

هەینی 8ی گەلاوێژ 2721
ماڵپەڕی ناوەندیی حیزبی دێموکراتی کوردستانی ئێران

لە تەقینەوەی تێرۆریستی شاری "سەدری" بەغدا دەیان کەس کوژران و بریندار بوونە

17:28 - 29 پووشپەڕ 2721

بەهۆی تەقینەوەیەک لە شاری "سەدر"ی بەغدا ٥٠ کەس کوژران و ٥٠ کەسی دیکەش بریندار بوون.

زۆربەی ئەو کەسانەی لەو تەقینەوەیەدا گیانیان لەدەست داوە ژن و منداڵن. ئامارەکان باس لەوە دەکەن ڕێژەی قوربانییەکان لەو ئامارە زیاترە.

خەڵک لە بازاڕی "سەدر" سەرقاڵی کڕینی کەلوپەل بۆ ڕۆژی جەژنی قوربان بوونە و ئەوە تەقینەوەیە ڕووی داوە.

بەرپرسانی ئەمنییەتیی عێراق باسیان لەوە کردووە داعش پلانی داڕشتووه لە چەند شاری دیکە وەک: "مەدینە سەدر، شەعب، شوعلە و کازمییە" تەقینەوە ئەنجام بدات.

ئەمساڵ چوارەم جارە لە شاری "سەدر" تەقینەوەی لێ ئەنجام دەدرێت، زۆربەی تەقینەوەکانیش بازاڕە قەرەباڵغەکان و خەڵکی سڤیلی کردووەتە ئامانج.

گرووپی تێرۆریستیی داعش (ISIS) ئەو تەقینەوەیەی لەئەستۆ گرتووە.

 ئەو خۆکۆژەی ئەو کردەوە تێرۆریستییەی ئەنجام داوە شوناسی "ئەبوو حەمزە"یە.

ئەو کردەوە تێرۆیستییە لەلایەن حکوومەتی هەرێمی کوردستان و ڕووسیە مەحکووم کراوە.