ژینگەوانانی شاری "سەقز" بە هاوکاریی گرووپی شاخەوانیی "گردەکۆ" لە بەرەبەری هاتنی وەرزی زستاندا هەڵمەتێکی ژینگەپارێزیان بەڕێوە برد.
لەو چالاکییەدا شیفی بن دارەکانی ناوشاریان بڕیوە و نێوشاریان لە زبڵ و خاشاک خاوێن کردووەتەوە.
هەروەها لەو هەڵمەتە ژینگەییەدا دوو سەد نەمامیان بەمەبەستی پەرەپێدانی دارستان و پاراستنی زیاتری ژینگە چاندووە.
ژینگەوانانی سەقز و گرووپی شاخەوانیی "گردەکۆ" سەرەڕای بەڕێوەبردنی چالاکییەکی ژینگەیی، جەختیان لە کاری هەرەوەزی و هاوکاریی یەکتر کردووەتەوە.
ژینگەپارێزانی بەشدار لەو چالاکییە ژینگەپارێزییەدا داوایان لە گرووپە شاخەوانیی و ژینگەوانانی دیکە کردووە کە لە داهاتوودا کاری زیاتر و چالاکیی بەریینتریان هەبێت.
