کوردستان میدیا

پێنجشەممه 19ی پووشپەڕ 2720
ماڵپەڕی ناوەندیی حیزبی دێموکراتی کوردستانی ئێران

لە هەر ١٣ خولەکەدا یەک کەس لە ئێران بە نەخۆشیی کۆرۆنا گیانی لەدەست دەدات

13:09 - 8 پووشپەڕ 2720

"ئیرەج حەریرچی" جێگری وەزیری تەندروستیی ڕێژیمی ئێران وتوویەتی، بەهۆی نەخۆشیی کۆرۆناوە لە هەر ٣٣ چرکەدا کەسێک تووشی کۆرۆنا دەبێت و لە هەر ١٣ خولەکەدا یەک کەس گیانی لەدەست دەدات.

بەپێی قسەکانی ئەو کاربەدەستەی ڕێژیمی ئێران، ئەو کەسەی هەڵگری نەخۆشیی کۆرۆنایە دەتوانێت ٤٠٦ کەسی دیکە تووش بکات.

بەپێی ئاماری جیهانیی بڵاوبوونەوەی ڤایرۆسی کۆرۆنا لە جیهان، ئامارەکان دەرخەری ئەوەیە کە ئێران پلەی حەوتەمی هەیە.

ڕێژیمی ئێران بۆ پێشگرتن لە بڵاوبوونەوەی کۆرۆنا ڕوونکردنەوەی ڕاست نادات.

ڕێژیمی ئیسلامیی ئێران کەمتەرخەمی و نابەرپرسیارەتیی خۆی بەنیسبەت قەیرانی نەخۆشیی کۆرۆناوە دەخاتە ئەستۆی ئامریکا و ڕێکخراوە جیهانییەکان و بە جێگای دۆزینەوەی ڕێگاچارەیەکی گونجاو دژی کۆرۆنا، لەژێر ناوی جیاوازدا ئەو نەخۆشییەیان سەرپۆش کرد.