بەپێی هەواڵە بڵاوکراوەکان لە شاری "پیرانشار" مامۆستای قوتابخانەکان بەتایبەت قوتابخانەی کچەکان قووتابیان ناچار دەکەن کە خواردەمەنی و چەرەزات بۆ قوتابخانەکان ببەن.
بنەماڵەکان باس لەوە دەکەن کە هەر ساڵ قوتابخانەکان بە بیانووی جیاواز قووتابییان ناچار دەکەن کە خۆراکی تایبەت بۆ جێژنە و بۆنەکان دابین بکەن.
ئەو بنەماڵانە وتوویانە بەهۆی هێندێک بابەت و لەبەرچاوگرتنی دۆخی منداڵەکانیان ناچارن لەو دۆخە خراپەی ئابوورییەدا بە هەر نرخێک بێت ئەو خۆراکانە بۆ منداڵەکانیان دابین بکەن و لەگەڵ خۆیان بیبەن بۆ قوتابخانە.
هەروەها باس لەوەش دەکەن کە لەگەڵ ئەو تێچوویەی دەیخەنە سەر شانی قووتابیان منداڵەکان فێری شتێکی باش ناکرێن هەتا بەکەڵکی دواڕۆژیان بێت.
