ئەندامان و لایەنگرانی حیزبی دێموکراتی کوردستان ئێران لە گوندەکانی "گەلێن" و "تەنگیسەر" سەر بە ژاوەرۆی سنە، بۆ پشتیوانی لە حیزبی دێموکرات، چالاکیی تەبلیغییان بەڕێوە برد.
قارەمانانی دێموکرات بە هەڵکردنی ئاڵای پیرۆزی کوردستان و کێشانەوەی ئارمی زێڕینی حیزب، وەفاداری و ئەمەگناسیی خۆیان له هەمبەر ئارمان و ئامانجی حیزبەکەیان نیشان دا.
تێکۆشەران لەو چالاکییەدا بە نووسینی دروشمی "بژی حدکا"، "سڵاو لە قازی، قاسملوو" و "یەکگرتن ڕەمزی سەرکەوتنمانە"، پشتیوانیی خۆیان بۆ حیزبەکەیان دووپات کردەوە.
هەروەها بە نووسینی دروشمی: "چاوەڕێی فەرمانین"، ئامادەیی خۆیان بۆ بەجێگەیاندنی هەر ئەرکێکی حیزبی دەربڕی.
تێکۆشەران، قارەمانانی دێموکرات، هەموو چین و توێژێکی کۆمەڵگای کوردستانی ڕۆژهەڵات، ڕۆژانە بە چالاکیی تەبلیغیی جۆراوجۆر پشتیوانیی خۆیان بۆ حیزبی دێموکراتی کوردستانی ئێران دەردەبڕن و حیزبی دێموکرات خۆی بە بەرپرسیار و داکۆکیکاری مافی هەموو چین و تویژێکی کۆمەڵگای کوردستانی ڕۆژهەڵات دەزانێت.
