کوردستان میدیا

شەممه 27ی بەفرانبار 2720
ماڵپەڕی ناوەندیی حیزبی دێموکراتی کوردستانی ئێران

مامۆستایانی قوتابخانەکان بەستەی ئینتێرنێتیان بۆ دابین ناکرێت

11:45 - 20 بەفرانبار 2720

مامۆستایانی قوتابخانەکانی ئێران و کوردستان ماوەی سێ مانگە بەستەی ئینتێرنێتییان تەواو بووە بەڵام ڕێژیمی ئێران ئینتێرنێتیان بۆ دابین ناکات.

بەپێی زانیارییەکان بەستەی ئینتێرنێتی سێ مانگەی مامۆستایانی قوتابخانە ماوەیەک تەواو بووە و ڕێژیمی ئێران ئەو بەستەیەی ئێنتێرنێتیان بۆ دابین ناکاتەوە.

ئەگەرچی مامۆستایان ئینتێرنێتیان نییە بەڵام خوێندن لە کوردستان و ئێراندا هەروا بە شێوەی ئانلاینە.

هاوکات بەرنامەی "شاد" ئەوەندە لاواز کار دەکات کە مامۆستایان ناچارن کەڵک لە ئەپی دیکەوە وەربگرن.

هەندێک لە مامۆستایانی قوتابخانەکانی ئێران ڕایانگەیاندووە: "ئەپی شاد سەرەڕای ئەوەی بە زەحمەت دەکرێتەوە، کێشەی ئاپلۆد و دانلۆدی هەیە و قوتابییان و مامۆستایان کێشەی ناردن و وەرگرتنی بابەتیان هەیە و لاوازبوونی دەنگ و ڕەنگ هۆیەکی دیکەی بێکەڵکبوونی ئەو ئەپەیە".

خوێندن بە شێوەی ئانلاین بووەتە هۆی بەجێمانی قوتابی یان مامۆستاکە لە وانە و ڕاھێنانەکان.

دانانی شێوەی خوێندنی ئانلاین لە کوردستان و ئێراندا کێشەی ماڵیشی بۆ بنەماڵەی قوتابییەکان دروست کردووە چونکە بەشێک لە قوتابییان ناچار بوونە مۆبایل بکڕن.