لە شاری بیجاڕ مریشکێکی زۆر بەرهەم دێت، بەڵام ئێستا کە بەرەبەری نەورۆزە مریشکفرۆشییەکان مریشکی تێدا نییە و ئەمە خەڵکی تووشی نیگەرانی کردووە.
مریشکدارییەکانی بیجاڕ ڕۆژانە بە شێوەی نێونجی زیاتر لە ٢٠ تۆن مریشک کوشتار دەکەن، بەڵام زۆرینە دەفرۆشرێتە کوشتارگەکانی دەرەوەی پارێزگا و گەڕانەوەیەکیش لە کاردا نییە.
ئەوە لەحاڵێکدایە کە شاری بیجاڕ ڕۆژانە تەنیا ٥ تۆن مریشکی پێویست دەبێت کە مریشکی کوشتارکراو لەو شارەدا ئەو ڕێژەیە دابین دەکات و زیاتریشە.
دغڵ و دانی پێویستی سەرجەم کێڵگەکانی مریشکداری بە شێوەی سەداسەد بە نرخی دراوی ٤٢٠٠ تمەنی دابین دەکرێت.
نەبوونی بەڕێوەبەریی دروستی ئیدارەکانی "جیهادی کیشاوەرزی، پیشە، کانگا و بازرگانی" بووەتە هۆی ئەوەی کە مریشک لەو پارێزگایە نەمێنێت و پێویستیی ئەو شارە دابین نەکات و تەنانەت نرخی مریشکیش لە بیجاڕ زیاتر لە شارەکانی دەوروبەری بێت.
