کوردستان میدیا

هەینی 27ی خاکەلێوه 2721
ماڵپەڕی ناوەندیی حیزبی دێموکراتی کوردستانی ئێران

١٧ میلیشیای سەر بە ڕێژیمی ئێران لە سووریە کوژران

12:18 - 8 رەشەمه 2720

لە هێرشێکی "پێنتاگۆن" بۆ سەر بنکەی هێزەکانی سەر بە ڕێژیمی ئێران لە سووریە ١٧ کەس لە هێزەکانی سەر بە ڕێژیمی ئێران کوژران.

فڕۆكه‌كانی ئامریکا به‌ فەرمانی "جۆ بایدن" سه‌رکۆماری ئامریکا بۆردوومانی ئه‌و گرووپه‌ چەکدارانەی سەر بە ڕێژیمی ئێرانیان كردووه‌.

وەزارەتی بەرگریی ئامریکا بڵاوی کردووەتەوە ئەو بۆردومانانە چەندین پێگەی میلیشیاكانی لە نزیک خاڵێكی سنووریی وێران كردووە، كە گرووپە توندڕەوەكانی سەر بە ئێران بەكاریان دەھێنا.

ئەو هێرشەی ئامریکا لە دوای ئەنجامدانی زنجیرەیەک ھێرشی مووشەكی بۆ سەر بنکەکانی ئەمەریكا لە عێراق لەلایەن میلیشیاكان سەر بە ئێران ئەنجام دراوە.