بڵاوبوونەوەی بانگەوازی شورای هاوئاهەنگیی مامۆستایانی ئێران لەبابەت خولێکی نوێی ناڕەزایەتییەکانی مامۆستایان بۆ ڕۆژی شەممە ٣٠ی ڕێبەندان و سێشەممە ٣ی ڕەشەمە، مامۆستایانی کوردستان پێشوازییان لەو بانگەوازە کرد و هاوکات کاردانەوەی بەرپرسانی ڕێژیمی لێ کەوتەوە.
بۆ ڕێگریکردن لەو کۆبوونەوانە، لە ئیدارەی پەروەردەی شارەکانی "سەقز" و "ساحێب"، هەڕەشە لە مامۆستایانی چالاکی بواری پیشەیی کراوە.
لە شاری سەقز و هەروەها شاری"ساحێب" بەرپرسی حێراسەت بەردەوام لە پەیوەندی لەگەڵ مامۆستایاندایە تا لە بەشداری لە ناڕەزایەتییەکاندا پاشگەزیان بکاتەوە و ڕێگری لە بەڕێوەچوونی ئەو ناڕەزایەتییانە بکات.
ڕێژیم لەو شارانە لە ڕێگای هەندێک مۆرەی خۆیەوە هەوڵ دەدات گوشار بۆ مامۆستایان بێنێت و بە بانگهێشتی مامۆستایانی چالاک و هەڕەشەکردن لێیان یان تکا و پاڕانەوە، ئەوان لە بەشداریکردن لە ناڕەزایەتییەکان پاشگەز بکاتەوە.
هەروەها لەو پەیوەندییەدا هەندێک لەو مۆرانەی ڕێژیم لە ناوچەی "زێویە"ی سەقز لەنێو ڕیزەکانی مامۆستایان هەوڵی نانەوەی دووبەرەکی دەدەن.
