لە شارەکانی کوردستان و ئێران کەمیی نان و ئارد جیددی بووەتەوە و خاوەن نانواخانەکان ڕایانگەیاندووە جیا لەوەیکە ئارد کەمە نرخەکەشی گرانە و ئەوەش بۆ ئێمە قازانجی تێدا نەماوە.
لە پارێزگای مازەندەران خاوەن نانواخانەکان ڕایانگەیاندووە: "پێشتر هەر تای ئارد بە ٩٠ هەزار تمەن بوو، بەڵام ئێستا بووەتە ٢٠٠ هەزار تمەن".
خەڵک لە شارەکانی وەک کەرەج، مەشهەد، ورمێ، سنە و چەند شاری دیکەی کوردستان و ئێران بۆ وەرگرتنی نان دەبێ چەندین کاتژمێر لە سەفدا بن.
لە ئێستادا نرخی ئاردی ئازاد چوار بەرابەر گرانتر بووە و یەکیەتیی نانواخانەکانیش ئارد بۆ نانواخانەکان دابین ناکات.
لە ئێستادا جیا لەوەیکە نان بەسەختی لە نانەواخانەکانی کوردستان دەست دەکەوێت، لە هەمان کاتیشدا ئارد کەمە و نرخەکەشی دوو بەرابەر بەرزتر بووەتەوە.
کاربەدەستانی ڕێژیمی ئێران ئیدعا دەکەن کە کێشەی کەمیی ئارد لە شارەکاندا نییە و ئەوە دەستی دەڵاڵەکانی لە پشتە.
