کوردستان میدیا

چوارشەممه 8ی پووشپەڕ 2722
ماڵپەڕی ناوەندیی حیزبی دێموکراتی کوردستانی ئێران

هاوسەری شەهیدێکی کوردستان لە شاری بانە کۆچی دوایی کرد

13:31 - 24 جۆزەردان 2722

ڕۆژی دووشەممە ٢٣ی جۆزەردان، دایە حاجیە "زەینەب پیروزی" هاوسەری شەهید "محەممەدئەمین مەعرووفی" خەڵکی شاری بانە، بەهۆی نەخۆشییەوە لە تەمەنی ٨٣ ساڵیدا کۆچی دوایی کرد.

دایە "زەینەب پیروزی" دایکی پێنج کوڕ و چوار کچ بووە و پاش شەهیدبوونی هاوسەرەکەی، منداڵەکانی پێگەیاند و پەروەردەیانی کرد.

شەهید "محەممەد ئەمین مەعرووفی"، ڕێکەوتی ٢٢ی پووشپەڕی ساڵی ١٣٥٩ لە شەڕێکی نابەرابەر لەگەڵ هێزە دژی گەلییەکانی ڕێژیمی ئیسلامی لە جادەی بانە- بۆیەن، شەهید بوو و چووە ڕیزی کاروانی نەمرانەوە.

شەهید "محەممەدئەمین مەعرووفی" لە کاتی شەهیدبوونی پلەی تەشکیلاتیی سەرلکی هەبوو.

دایە "زەینەب پیروزی" هەتا دواساتەکانی ژیانی، وەفادار بە ڕێگا و ڕێبازی هاوسەرە شەهیدەکەی مایەوە.

حیزبی دێموکراتی کوردستانی ئێران سەرەخۆشی لە بنەماڵە و کەسوکاری دایە "زەینەب" دەکات و خۆی بە هاوبەشی خەم و پەژارەیان دەزانێت.