هونەرمەندێکی ناسراوی مۆسیقای ناوچەی "سونقوڕ و کولیایی" پاش تەمەنێک خزمەت بە مۆسیقای کوردی لەو ناوچەیەدا کۆچی دوایی کرد.
"ئەمانوڵڵا تاهیری" ناسراو بە "ئامان دای" لە هونەرمەندانی ناوچەی "سونقوڕ و کولیایی" سەر بە پارێزگای کرماشان، ڕێکەوتی ١٧ی ڕەزبەر کۆچی دوایی کرد و یادی بۆ هەمیشە هەرمان مایەوە.
ناوبراو لە کەسایەتییە بەناوبانگەکانی بواری مەقاماتی ناوچەی کرماشان بوو و هەروەها لە ژەنینی "دووزەلە"دا زۆر شارەزا و مامۆستا بوو.
ناوبراو زیاتر لە ٧ دەیەی بەردەوام لە بواری دووزەلەژەندندا چالاکیی کردووە و وەک درێژەدەری بەرەی دووزەلەژەنان دەهاتە ئەژمار.
