ڕۆژی چوارشەممە ٢٤ی خاکەلێوەی ١٤٠١ی هەتاوی، گرووپێک لە ئەندامانی ئەنجومەنی سەوزی چیای مەریوان لە هەڵمەتێکی ژینگەییدا دەوروبەری گۆلی زرێباریان خاوێن کردەوە.
ئەو شوێنانەی کە خاوێن کراونەتەوە، شوێنی ژیان و هێلانەی ژمارەیەکی زۆر لە باڵندە و گیانلەبەرانی دیکەیە کە بوونی زبڵ و پاشماوە سەرەڕای تێکدانی سیمای ئەو ناوچەیە، هەڕەشە لە گیانی ئەو بوونەوەرانە دەکات.
ئەو هەوڵەی ئەندامانی ئەنجومەنی سەوزی چیا لە حاڵێکدایە کە پاراستن و خاوێنکردنی گۆڵی زرێبار و دورروبەری ئەرکی ناوەندەکانی وەکوو شارەداری و ئیدارەی ژینگەیە، بەڵام سەرەڕای زبڵێکی زۆر لەو شوێنە، لەلایەن ئەو ناوەندانەی ڕێژیم هیچ هەوڵێک بۆ پاراستن و خاوێنڕاگرتنی زرێبار ئەنجام نەدراوە.
