"پارتی ئازادیی کوردستان ـ باکوور" لە ئانکارا کۆنگرەی دووەمی خۆی بە بەشداریی ئەندامان و لایەنگرانی بەڕێوە برد.
سەرەتای ئەوە کۆنگرەیە بە ساتێک بێدەنگی بۆ ڕێزگرتن لە گیانی پاکی شەهیدانی کورد و کوردستان دەستی پێکرد.
لەو کۆنگرەیەدا باس لە دۆخی کورد لە کوردستانی باکوور و بەشەکانی دیکەی کوردستان کراوە و پشتیوانی لە دۆزی ڕەوای کورد کراوە.
لەو کۆنگرەیەدا "مستەفا ئوزچەلیک" وەک سەرۆکی ئەو پارتە هەڵبژێردرایەوه.
پارتی ئازادیی کوردستان ـ باکوور ساڵی ٢٠١٤ لە ئامەد دامەزراوە. بەپێی یاسای تورکیە هەر پارتێکی سیاسی دەبێ کۆنگرەی خۆی لە ئانکارا بەڕێوە ببات.
