کوردستان میدیا

شەممه 27ی بەفرانبار 2720
ماڵپەڕی ناوەندیی حیزبی دێموکراتی کوردستانی ئێران

پارێزگای "سیستان و بەلووچستان" لەگەڵ کەمیی قوتابخانە بەرەوڕوویە

12:45 - 20 بەفرانبار 2720

بەڕێوەبەری پەروەردە و بارهێنانی ڕێژیم لە سیستان وبەلووچستان وتوویەتی: "١٤١ هەزار قوتابی بەهۆی نەبوونی هێزی مرۆیی، شوێنی فێرکاری، پرسە فەرهەنگییەکان، پێکهێنانی ژیانی هاوبەش و هەژاری" بە ناچاری واز لە خوێندن دێنن.

لە پارێزگای "سیستان و بەلووچستان" ٥٠ لەسەدی منداڵان لە خوێندن بەجێماون و وازیان لە خوێندن هێناوە.

ئەو ئامارانە لەحاڵێکدان کە کاربەدەستانی ڕێژیم ڕایانگەیاندووە ئەو پارێزگایە لەگەڵ گەشەی حەشیمەتی قووتابیان بەرەوڕوویە.

بەپێی ئامارەکانی وەزارەتی پەروەردەوبارهینانی ڕێژیم؛ پارێزگای"سیستان و بەلووچستان" هەتا ساڵی ١٤٠٤ یەک ملیۆن و ٢٠٠ هەزار قوتابی دەبێت و بەپێی گەشەی حەشیمەتی قوتابیان ئەو پارێزگایە لەگەڵ کەمیی ٣٥ هەزار پۆلەکانی خوێندن ڕووبەڕوو دەبێتەوە.