کوردستان میدیا

هەینی 15ی سەرماوەز 2719
ماڵپەڕی ناوەندیی حیزبی دێموکراتی کوردستانی ئێران

پاسدارێکی ڕێژیمی ئێران لە شاری شادگان کوژرا

18:13 - 12 سەرماوەز 2719

کوردستان میدیا: ئەندامێکی هێزی ئینتیزامیی ڕێژیمی ئیسلامیی ئێران لە شاری شادگان سەر بە پارێزگای خووزستان، لە دەرگیری لەگەڵ خەڵکی ئەو شارەدا کوژرا.

ناوەندی ڕاگەیاندنی ناجا بە پشتڕاستکردنەوەی ئەم هەواڵە باسی لەوە کردووە کە پێشنیوەڕۆی ڕۆژی سێشەممە، ١٢ی سەرماوەز، یەکێک لە ئەندامانی هێزی ئینتیزامیی ڕێژیم بە ناوی "یاسر سێپیدڕووز"، لە تێکهەڵچوونێک لەگەڵ خەڵکی ناڕازیی شاری "شادگانـ"ـدا، کوژراوە.

ئەم پاسدارەی ڕێژیم سەرەتا بریندار بووە و بەهۆی قورسبوونی برینەکانیەوە، پاش گواستنەوەی بۆ نەخۆشخانە مردووە.