پێشمەرگەکانی کوردستان لە چیاکانی کوردستان بەبۆنەی ٢١ی فێڤرییە ڕۆژی جیهانیی زمانیی دایکیی بە هەڵگرتنی پلاکارد و دروشمی تایبەت بەو ڕۆژه چالاکییان بەڕێوە برد.
لەو چالاکییەدا پێشمەرگەکان جەختیان کردووەتەوە کە خوێندن و نووسین بە زمانی دایکیی مافی نەتەوەی کورده.
پێشمەرگەکان بە هەڵگرتنی پلاکارد باسیان لە گرینگیی زمانی دایکیی کردووە کە پاراستنی زمان، پاراستنی شوناسه و ئەرکی هەر تاکێکی کوردە.
پێشمەرگەکان ڕایانگەیاندووە دوژمن دەیهەوێ ناسنامەی ئێمە بسڕێتەوە و مێژووی ئێمەش چەواشە بکات بەڵام ئێمە بە هاوکاریی یەکتر لە شاخ و لە شاردا ئیزن نادەین دوژمن بە ئامانجەکانی بگات.
لە کۆتایی ئەو چالاکییەدا یەکێک لە پێشمەرگەکانی کوردستان پارچە شێعرێکی لە بارەی زمانی دایکیی پێشکەش کرد.
