کوردستان میدیا: تیکۆشەران و لاوانی مافویستی کامیاران لە دووتوێی پەیامێکدا جینایەتی ١٧ی خەرمانانیان مەحکووم کرد و پشتیوانی دووبارەی خۆیان لە خەباتی گەلەکەیان بە ڕێبەری حیزبی دێموکرات دەربڕی.
دەقی پەیامەکەیان بەم چەشنەیە:
بەرێز ڕێبەری حیزبی دێموکرات
پێشمەرگە گیان لەسەر دەستەکانی کوردستان
سڵاوێک بە گەرمی تینی ئاگری شۆڕش؛ ئاگادار بووینەوە کە دوژمنانی ئازادی جارێکی تر پەلاماری بنکە و بارەگاکانی ئێوەی ئازادیخوازیان دا و لە ئەنجامی ئەم هێرشە دڕندانە بەداخەوە پۆلێک تێکۆشەری ڕێگەی ئازادی شەهید بوون و چەندین هاوسەنگەریشمان بریندار بوون.
وێڕای مەحکووم کردنی ئەم کردەوە شەرمێونانە و سەرەخۆشی لە بنەماڵەی شەهیدە سەربەرزەکانمان هەموو لایەک دڵنیا دەکەینەوە کە سوورتر لە جاران درێژە بە خەباتمان لە چوارچێوەی حیزبە خۆشەویستەکەمان دەدەین و کۆڵنەدەرانە تا سەرکەوتنی یەکجارەکی درێژەدەری ڕێگا پیرۆزەکەیان دەبین.
ئەوەیکە کۆماری ئیسلامی ئەنجامی داوە و بە دووریش نازانرێت دووبارە ببێتەوە، دوایین نیشانەکانی تەمەنی ئەم دەسەڵاتە ملهۆڕ و دیکتاتۆرەیە بۆیە دڵنیاین کە ڕۆژی ئازادی و سەربەستی نیزیکە.
مەرگ و نەمان بۆ ڕێژیمی تاران
سڵاو لە ئیرادەی لەشکان نەهاتووی باسکی گەل
بژی ڕاسان
سەرکەوێ خەباتی ئازادیخوازانەمان
