کوردستان میدیا

شەممه 25ی بانەمەڕ 2721
ماڵپەڕی ناوەندیی حیزبی دێموکراتی کوردستانی ئێران

پەیامی هاوخەمیی کۆمەڵێک لە پێشمەرگە دێرینەکان سەبارەت بە کۆچی دوایی کاک لوقمان مێهفەر

12:58 - 22 خاکەلێوه 2721

کۆمەڵێک لە پێشمەرگە دێرینەکانی نێوخۆی ڕۆژهەڵات سەبارەت بە کۆچی دوایی کاک لوقمان مێهفەر، ئەندامی ناوەندی سیاسیی حیزبی دێموکراتی کوردستانی ئێران، لە پەیامێکدا سەرەخۆشی و هاوخەمیی خۆیان ئاراستەی حیزبی دێموکرات و بنەماڵەی خوالێخۆشبوو کرد.

دەقی پەیامەکە بەم چەشنەیە:

ئێمە کۆمەڵێک لە پێشمەرگە دێرینەکانی نێوخۆی ڕۆژهەڵات سەبارەت بە شەهیدبوونی کاک لوقمان مێهفەر پرسە و سەرەخۆشیی خۆمان ئاراستەی حیزبی دێموکراتی کوردستانی ئێران و بنەماڵە و کەسوکاری شەهید لوقمان مێهفەر دەکەین و خۆمان بە هاوبەشی ئەو خەمە قووڵە دەزانین.

کۆمەڵێک لە ئێمە لە نزیکەوە شەهید لوقمان مێهفەرمان دەناسی و گەورەیی ئەو شەهیدە نەمرە زیاتر هیوامانی پێ دەدا.

هەروەها بەم بۆنەوە ڕایدەگەیەنین کە هەر وەک چۆن تا ئێستا وەفادار بەو ڕێبازەین، بەڵێن دووبارە دەکەینەوە کە هەتا وەدیهێنانی ئامانجی شەهیدان بەردەوام و سوورتر لە جاران درێژەدەری ئەو ڕێگایە بین.

کۆمەڵێک لە پێشمەرگە دێرینەکانی نێوخۆی ڕۆژهەڵات