پۆلێک لە لاوانی دەروەستی کوردستان لە بۆکان، بەبۆنەی گەڕانەوەی کاک "والی دروودی" بۆ نێو ڕیزی هاوسەنگەرانی پاش ٢٣ ساڵ خۆڕاگری لەنێو بەندیخانەکانی ڕێژیمی پەت و سیدارەدا، پەیامێکیان بڵاو کردەوە.
دەقی پەیامەکە بەم چەشنەیە:
سڵاو لە بیر و هزری کاک "والی دروودی" کە ٢٣ ساڵ لە جوانترین و باشترین ڕۆژانی تەمەنی لە چاڵەڕەشەکانی کۆماری پەت و سێدارە بە باوەڕ بەخۆبوون و بە حیزبی دێموکرات تێپەڕاند. کە بە زووترین کات گەڕایەوە ڕیزی تێکۆشەران و ماندوونەناسانی شاخ، چونکە شۆڕەسواری ئەمەگناس بەڵێنیی بە هاوڕێیانی مەتەرێزی شەرەف و شەهیدانی هاوڕێی دابوو تا وەدیهێنانی ڕزگاری و سەربەخۆیی گەلی کورد، لە تێکۆشان لەنێو حیزبە خۆشەویستەکەمان نەوەستێت.
سڵاو لە حیزبی دێموکرات، سڵاو بۆ کاک والی دروودی، سڵاو بۆ شەهیدانی حیزب و گەڵ، سڵاو بۆ خەباتکارانی شاخ و شار. ڕاسان بە تەواوی هێزەوە بەردەوامە.
پۆلێک لە لاوانی بۆکان
١ی ڕێبەندانی ١٣٩٨ی هەتاوی
