کوردستان میدیا: یەکیەتیی پیشەییی مامۆستایانی کوردستانی ئێران، بە بۆنەی ۱۰ی خاکەلێوە ـ ڕۆژی شەهیدانی کوردستان ـ پەیامێکیان دەرکرد.
دەقی پەیامەکە بەم چەشنەیە:
باشترین پاداش بۆ شەهیدان درێژەدانی ڕێگایانە
سڵاو لە ڕوحی پاکی شەهیدانی کوردستان، بە تایبەت ڕێبەرانی شەهیدان قازی و قاسملوو و شەرەفکەندی!
سڵاو لە بنەماڵەی سەربەرزی شەهیدان و بنەماڵەی زیندانییانی سیاسی و کادر و پێشمەرگە قارەمانەکان! بە بۆنەی ۱۰ی خاکەلێوە ـ ڕۆژی شەهیدانی کوردستان ـ ئێمەش وەک یەکیەتیی پیشەییی مامۆستایانی کوردستانی ئیران، پەیمان و بەڵێن لەگەڵ ڕێبازی شەهیدانمان نوێ دەکەینەوە و بەڵێن دەدەین، هەتا دواهەناسە ڕێبواری ڕێگای ئەو شەهیدە سەربەرزانە بین و قەت لە بیریان نەکەین.
یەکیەتیی پیشەییی مامۆستایانی کوردستانی ئێران
١٠ی خاکەلێوەی ١٣٩٨
