کوردستان میدیا

دووشەممه 7ی رەزبەر 2720
ماڵپەڕی ناوەندیی حیزبی دێموکراتی کوردستانی ئێران

پەیامی ئەندامانی حیزبی دێموکرات لە سەقز بەبۆنەی ٢٦ی خەرمانان

17:25 - 25 خەرمانان 2720

بەبۆنەی ٢٦ی خەرمانان، ساڵڕۆژی تێرۆرکرانی دوکتور ''سادق شەرەفکەندی'' و هاوڕێیانی، ئەندامان و لایەنگرانی حیزبی دێموکراتی کوردستانی ئێران لە سەقز پەیامێکیان بڵاو کردەوە.

دەقی پەیامەکە بەم چەشنەیە:

بنەماڵەی سەربەرزی شەهیدان !

زیندانییە خۆڕاگرەکان!

پێشمەرگە گیان لەسەر دەستەکانی سەنگەری شاخ و شار!

لە شاری سەقزی دێموکرات پەروەرەوە سڵاوتان بۆ دەنێرین 

ڕۆژی ۲٦ی خەرمانان پەڵەیەکی ڕەشە بە ناوچاوانی کۆماری تێرۆریستی ئێرانەوە و وڵاتانی بێ هەڵوێست و قازانجپەرستی جیهان.

ئێمە لەم ڕۆژەدا دیسان پەیمانی وەفاداری و درێژەپێدانی ڕێبازی شەهیدانتان لەگەڵ نوێ دەکەینەوە و بەڵێن دەدەین هەتا دواپشوو ڕێبواری بەوەفای ڕێگای دوکتور ''سادقی شەرەفکەندی'' بین.

دڵنیاین ئاوات و ئامانجی شەهیدان و نەتەوەی کورد بە کار و تێکۆشانی بەردەوام و خەباتی بێوچان دێتە دی. بۆیە داواکارین تاک بە تاکی خەڵکی کوردستان لە چوارچێوەی ڕاسانی ڕۆژهەڵاتدا ئەوەی بەرانبەر بە داگیرکەرانی کوردستان بۆیان دەکرێت بیکەن هەتا نیشتمانەکەمان زووتر بە ئازادی و سەربەستی بگات .

سڵاو بۆ هەموو شەهیدانی حیزب و گەل بەتایبەت دوکتور ''شەرەفکەندیـ''ـی نەمر

ڕووخاوتر بێت ڕێژیمی گەندەڵ و تێرۆریستی ئاخوندی

ئەندامان و لایەنگرانی حیزبی دێموکراتی کوردستانی ئێران لە سەقز