کوردستان میدیا

دووشەممه 24ی جۆزەردان 2721
ماڵپەڕی ناوەندیی حیزبی دێموکراتی کوردستانی ئێران

چالاکییەکان لە کوردستان بەردەوامن

18:46 - 14 جۆزەردان 2721

ئەندامان و لایەنگرانی حیزبی دێموکراتی کوردستانی ئێران، بۆ پشتیوانی لە حیزب لە شارەکانی "مەهاباد"، "سنە" و "پیرانشار" چالاکیی بەرینی تەبلیغیان بەڕێوە برد.

لە ناوچەی "گوێکتەپە"ی "شاروێرانـ"ـی مەهاباد، ئەندامان و لایەنگرانی حیزبی دێموکرات لەسەر دیوار و لە هەندێک شوێنی نیشتەجێبوونی خەیانەتکارانی گەل و نیشتمان دروشمیان نووسی و هۆشداریان بە خائینان دا کە تۆڵەی خوێنی شەهیدانی گەل دەکرێتەوە.

 هەروەها بە نووسینی "سەرکەوێ ڕاسان" پەیمانی وەفاداریان لەگەڵ شەهیدان، شەهید "سمکۆ" و شەهید "سۆهراب" و سەرجەم شەهیدان نوێ کردەوە و ئامادەیی خۆیان بۆ هەر بڕیارێکی حیزبی دەربڕی.

لە لایەکی دیکە بە دروشمی "دەنگدان خیانەتە بە خوێنی شەهیدان" چالاکییان بەڕێوە برد.

هەروەها ئەندامان و لاینگرانی حیزب، لە گوندی "نییەر"، بە یادی شەهید "هادی شێخە" و شەهید "ئەیووب سووڵتانی" ئاڵای پیرۆزی کوردستانیان هەڵکرد و پەیمانیان لەگەڵ شەهیدانی کوردستان نوێ کردەوە.

هاوکات لە گۆندی "کەڵەکین" سەر بە شاری "پیرانشار" ئاڵای کوردستان هەڵکراوە و دروشم دراوە.