کوردستان میدیا

سێشەممه 3ی جۆزەردان 2722
ماڵپەڕی ناوەندیی حیزبی دێموکراتی کوردستانی ئێران

چالاکییەکی بەرینی ژینگەیی لە "سەردەشت" بەڕێوە چوو

11:40 - 23 بانەمەڕ 2722

ڕۆژی پێنجشەممە ٢٢ی بانەمەڕی ١٤٠١ی هەتاوی، چالاکانی ژینگەیی لە شاری "سەردەشت"، لە هەڵمەتێکی ژینگەیی بەریندا کۆمەڵێک نەمامی جۆراوجۆریان چەقاند.

ئەو هەڵمەتە ژینگەییە لە دەوروبەری بەنداو و بەری "ڕەبەت" سەر بە "سەردەشت" بەڕێوە چووە.

لەو چالاکییە ژینگەییەدا چەندین نەمامی وەکوو "بەڕوو، بادام و تاوک" لەلایەن دڵسۆزانی ژینگەوە چەقێندران.

هەروەها لەو چالاکییەدا منداڵان ڕۆڵێکی باشیان گێڕاوە.