کوردستان میدیا: پێشمەرگەکانی شار، ئەندامان و لایەنگرانی حیزبی دێموکرات، ئەمساڵ بە شێوەیەکی جیاوازتر لە جاران بە ئەنجام چالاکیی تەبلیغی، بەرەوپیری ٢٦ی سەرماوەزەوە چوون.
تێکۆشەران و قارەمانانی دێموکرات کە هەموو ساڵێک بە ئەنجامدانی چالاکیی جوراجۆر بۆنە تایبەتەکان بەرز ڕادەگرن، ئەمساڵ جیاوازتر لە جاران پێشمەرگەکانی شار، ئەندامان و لایەنگرانی حیزبی دێموکراتی کوردستانی ئێران، ڕۆژی ٢٦ی سەرماوەزیان بەرز ڕاگرت.
تێکۆشەرانی دێموکرات وێڕای ئەنجامدانی چالاکیی بەرینی تەبلیغی لە شار و گوند و ناوچەکانی کوردستانی ڕۆژهەڵات، ئامادەیی و گیانفیدایی خۆیان بۆ هەر چەشنە بڕیارێک نیشان دا.
چالاکیی بەربڵاوی تێکۆشەرانی دێموکرات لە نێوخۆی وڵات بۆ جارێکی دیکە بە دوژمنانی کوردستانیان سەلماند کە خەڵکی کوردستان لەسەر وەدیهاتنی ئامانجە پیرۆزەکانی پێداگرە و لە تێکۆشان دەست هەڵناگرێت.
ئەمساڵ تێکۆشەرانی دێموکرات جیا لە شار و ناوچەکانی کوردستانی ڕۆژهەڵات، لە شارەکانی ئێرانیشدا بە شێوەیەکی بەربڵاو چالاکیی تەبلیغییان ئەنجام دا.
