کوردستان میدیا: تێکۆشەرانی ڕێگای ئازادیی کوردستان بۆ پشتیوانی لە حیزبی دێموکرات و پێشمەرگەی کوردستان لە شارەکانی کوردستان و ئێران چالاکیی تەبلیغیی بەڕێوە دەبەن.
بەپێی هەواڵی گەیشتوو بە ماڵپەڕی کوردستان میدیا، ئەندامان و لایەنگرانی حیزبی دێموکراتی کوردستانی ئێران لە کوردستان لە شارەکانی بۆکان و سنە و هەروەها لە پارێزگای مازەندەران لە شاری ڕامسەر چالاکیی تەبلیغییان بەڕێوە بردووە.
تیکۆشەرانی دێموکرات لەو چالاکییانەدا بە نووسینی دروشم، بڵاوکردنەوەی تراکت و پۆستێر لەگەڵ ڕێبازی شەهیدان و خەباتی حیزبی دێموکرات پەیمانیان نوێ کردووەتەوە.
خەڵکی تێکۆشەری کوردستان بۆ پشتیوانی لە خەباتی ڕەوای گەلەکەمان بە پشتیوانی حیزبی دێموکرات بەردەوام چالاکیی تەبلیغیی بە شێوەی جۆراجۆر بەڕێوە دەبەن.
