کوردستان میدیا

شەممه 3ی خاکەلێوه 2719
ماڵپەڕی ناوەندیی حیزبی دێموکراتی کوردستانی ئێران

ڕۆژهەڵات بە کرانەوەی تیشک خۆشحاڵیی خۆیان دەربڕی

10:22 - 30 رێبەندان 2718

کوردستان میدیا: خەڵکی کوردستانی ڕۆژهەڵات لە شار و گوندەکان لە دوای ئەوەیکە تەلویزیۆنی تیشک لەسەر ماهوارە کارەکانی خۆی دەسپێکردەوە خۆشحاڵیی خۆیان دەربڕی.

خەڵکی ئازادیخواز و نیشتمانپەوەری کوردستان، ئەندامان و لایەنگرانی حیزبی دێموکراتی کوردستانی ئێران لە شارەکانی ئیران و کوردستان لە دوای هەواڵی دەسپێکردنەوەی بەرنامەکانی تەلویزیۆنی تیشک لەسەر ماهوارە بە شێوەی جۆراجۆر خۆشحاڵیی خۆیان دەربڕی.

خەڵکی نیشتمانپەروەری کوردستان، بە بڵاوکردنەوی سروودی نەتەوەیی "ئەی ڕەقیب"، "هەڵواسینی جامانە" و کاری دیکەی لەم چەشنە وێڕای شادی دەربڕین پیرۆزباییان لە یەکتری دەکرد.

هاوکات خەڵکی ئازادیخوازی کوردستان و تێکۆشەرانی دێموکرات وێڕای پیرۆزبایی لە بنەماڵەی سەربەرزی شەهیدان، پەیمانی وەفاداریان لەگەڵ ڕێبازی شەهیدان و بنەماڵەی شەهیدان نوێ کردەوە کە هەتا وەدیهاتنی ئامانجی شەهیدان دەست لە خەبات هەڵناگرن.

لە ماوەی داهاتوودا تەلویزیۆنی تیشک پەخشی بەرنامەکانی خۆی لەسەر ماهوارەی یاەسات دەست پێدەکاتەوە.