ڕێژیمی ئێران مووشەک بە ڤێنێزۆئێلا دەفرۆشێت
''ئیڤان دۆکێ'' سەرکۆماری ''کۆلۆمبیا'' وتوویەتی:'' لەو دەزگا ئەمنییەتییانەی کە لەگەڵ ئێمە کار دەکەن زانیاریگەلێکمان پێگەیشتووە کە نیشان دەدات، دیکتاتۆریی '' نیکۆلاس مادۆرۆ'' بە نیازی ئەوەیە کە ژمارەیەک مووشەکی کورت مەودا و دوور مەودا لە ئێران بکڕێت''.
سەرکۆماری ''کۆلۆمبیا'' وتوویەتی کە بەپێی زانیارییەکان ئەم مووشەکانە هەتا ئێستا نەگیشتووەتە شوێنی مەبەستی خۆی.
ڕێژیمی ئێران و ڤێنێزۆئێلا لە ئێستادا لەلایەن ویلایەتە یەکگرتووەکانی ئامریکا گەمارۆیان خراوەتە سەر.
''ئیڤان دۆکێ'' باسی لەوە کردووە کە ڕێژیمی مادۆرۆ ئەو چەکانەی کە پێشتر لە ڕووسیە و بلارووسی کڕیوە، ڕادەستی گرووپە چەکدارەکانی کۆلۆمبیا دەکات.
ڤێنێزۆئێلا کە لەلایەن دیکتاتۆری "نیکۆلاس مادۆرۆ"، ئیدارە دەکرێت، وڵاتێکی هاوپەیمانی ڕێژیمی ئێران و دژ بە ئامریکایە.
لە ئێستادا بەهۆی گەمارۆکانی ئامریکا وهەروەها قەیرانی ئابووریی زاڵ بەسەر ئەو وڵاتی ڤێنێزۆئێلا، ڕێژیمی ئێران یارمەتی و هاوکاری ئابووری ئەو وڵاتە دەدات.
فرۆشتن و ڕەوانەکردنی مووشەک لەلایەن ڕێژیمی ئێرانەوە بۆ ڤێنێزۆئێلا، دەیسەڵمێنێت کە بەرنامە مووشەکییەکانی ئەو ڕێژیمە مەترسییەکی زۆری بۆ جیهان درووست کردووە.
